3rd full moon

july 19, 2008

naglalakad ako sa kahabaan ng overpass ng Unibersidad ng Santo Tomas kasama ang aking kaibigan. hindi ko inakalang ganoon ang mangyayari. nagitla ako. napasigaw. hindi ko nga inakala na ganoon pala kalakas ang aming sigaw na rinig halos lahat ng mga tao doon sa overpass.

papauwi na kami noon- ako at siya. hindi na kami mapakali sa aming mga sarili. sobrang ihing- ihi na kami at napagdesisyunan naming tumawid sa kabilang parte ng uste upang yun nga. naisipan naming pumunta sa goldilocks upang maki-cr. pagkatapos noon ay bumalik na uli kami sa kabila upang mag-abang ng dyip pauwi.

naglakad kami muli paakyat sa overpass. may isang batang lalaking nakaputi. pulubi. punit- punit ang kanyang damit at masasabi kong isa siyang bakla. napansin ng aking kaibigan na sinusundan niya kami. kaya naman ay nagbagal kami ng kilos para paunahin siya.. pero nananatili siyang nasa likuran namin; habang kami naman ay mabagal na naglalakad upang iwasan ang mga tubig na humaharang sa aming dadaanan. at ayun nga. nagulat na lang kami nang biglang napansin ng aking kaibigan na may kinukuha si boy pulubing bakla na nakaputi doon sa bag ng aking kaibigan. paksiyet. sa sobrang kaba ay napatili kaming dalawa. hindi ko na halos maalala ang mga pangyayari. basta naalala ko na lang na hinampas siya ng aking kaibigan. at nagsabi pa nga ng “sorry” yung bata nung nahuli naming kinukuha nito ang selepono ng aking kaibigan. kabado. nanginginig. napatakbo ang bakla. 

 pasalamat na lang kami at bakla yung mandurukot. tsktsk..